"Hitz-Erdiko Kontaketak", el concurso de relatos cortos en euskera, ha registrado 192 relatos en su novena edición
En esta novena edición Izaro Barrueta Larruskain, residente en Muxika, Sara Aranburu Lasa, vecina de Ordizia y Alazne Lopez Aranberria, natural de Ermua, han sido las personas ganadoras del primer, segundo y tercer premio respectivamente. La joven de Llodio Irune Etxebarria Lumbreras ha sido galardonada con el Premio Elkar y Jone Galindez Verano con el Premio Basauri
«Askotan pentsatu nuen une hartan». Las personas interesadas en participar debían dar continuidad a la frase inicial fijada por la organización y redactar un relato en euskara con un máximo de cien palabras. En esta novena edición, desarrollada a lo largo de enero, febrero y marzo de 2026, el concurso (organizado por el Ayuntamiento de Basauri mediante el Servicio de Juventud ZirtZart en colaboración con el medio de comunicación Geuria Hego Uribe y Elkar Euskal Kulturgintza) ha recibido un total de 192 propuestas.
Han sido premiados cinco relatos: «1ª clasificada», premio valorado en 200€; «2ª clasificada», premio valorado en 150€; «3ª clasificada», premio valorado en 100€; «Premio Elkar» —destinado a menores de edad—, valorado en 150 €; y «Premio Basauri» —destinado a personas empadronadas en el municipio—, valorado en 150 €. Además de ello, los primeros dos relatos, y los fijados como Premio Elkar y Basauri han sido publicados en el periódico Geuria (medio de comunicación de Hego Uribe).
Por último, la organización ha publicado un librillo con una serie de relatos recogidos, entre ellos los cinco galardonados. Las personas interesadas podrán adquirir una copia del mismo en formato físico, de forma gratuita, en la Oficina de Información Juvenil ZirtZart o en la tienda Elkar de Basauri.
A continuación las propuestas ganadoras:
1. saria · Izaro Barrueta Larruskain (Muxika)
Askotan pentsatu nuen une hartan nola erditu eta erdibitu nintzen. Ez al zetozen bada jaiotza eta bizia elkarrekin? Antza, bizia eta heriotza ordena horretan datoz derrigorrean hala eztenean ulertezin egiten zaigu, ez gaude halako paradoxetara ohituta. Gurasoak galtzean, umezurtz bihurtzen gara, bikotea galtzean, alargun, izatear dagoen umea galtzean, ostera, ikusezin. Zaila da izenik gabe ezer irudikatzea, existitzen dela jakitea. Ustekabean heriotzak jaiotza aurreratu zuenean, errudun sentitzen nintzen nire izate osoarekin babesten saiatu nintzena galtzearen erantzule, eta gainera, entzule natura jakintsua da, hobe orain gero baino, oraindik gazteak zarete... Bitartean, hemen segitzen dugu, sabel biribilen penaz, mainarik gabeko isiltasun gorgarrian esku-hutsik.
2. saria · Sara Aranburu Lasa (Ordizia)
Askotan pentsatu nuen une hartan dena gelditu zela. Erlojuko orratzak amen batean higitu zuen sakela. Hutsaldiak ez zion sigi-saga segi gura horrela. Medikuen mintzoa zimela, malkoetan zintzilik umela elea hitz erdiz, negarra izerdiz, ahaztuz grinaren koktela. Etxea begietsi nuen bestela. Hutsunearen tunela. Zure zapatilak ate ondoan zeuden honela, presaka erantzi izan bazenitu bezala. Ohitura fidela, etxea betetzen zenuen berehala. Berdin dago logela, ate hurrean duzu partzela. Tentazioa dut txukun jartzeko dagoena motela, amaitzeko negarra bete upela. Ez naiz erdu gure etxera. Dolua dut totela barruan galera, eskela. Pentsatu izan dut une hartan dena gelditu zela.
3. saria · Alazne Lopez Aranberria (Ermua)
Askotan pentsatu nuen une hartan gogoan nituela zure eskuak, hondarrean pausatzen ziren arrasto epelak bezala. Gogoan nuela zure urratsen doinu geldoa, ilunabarrean itsasoak hartzen duen kolorea bezain bare. Eta gogoan nituela ekaitzak ere, gure artean igaro ziren haizeak, bihotzak dardarazten zituzten olatuak. Batzuetan pentsatzen dut denborak zubi sekretuak eraikitzen dituela iraganaren eta orainaren artean. Agian horregatik itzultzen zara nire ametsetara, urruneko irla baten itzal moduan. Han, non zeruaren islak uraren azalean dardara egiten duen, itsasoak bihotza balu bezala. Eta nik gauaren ertzean pausatzen ditut nire hitz gaziak, kresalaren arnasetan. Agian olatuek eramango dituzte zure kostara, gure isiltasun zaharraren arrastoa berpiztera.
"Elkar" saria · Irune Etxebarria Lumbreras (Llodio)
Askotan pentsatu nuen une hartan, zeru oskarbi horren atzean maitasun istorio bat ezkutatzen zela ohartzean. Behin batean, ilargi bakartiak fenomeno harrigarri batekin topo egin zuen, eklipsea hain zuzen ere. Ilargia eguzkiaren argiarekin liluratu zen, eta elkar maitemindu ziren eklipseak iraun zuen denboran. Agur esateko ordua heldu zitzaienean, euri zaparrada izan zen isuritako malkoen arrastoa. Ezinezko maitasuna zen hura, eguzkia atera orduko ilargia ezkutatzen baitzen. Bakardadean bizitzera kondenatuak zeuden, eta elkarrekin egoteko desira obsesio bilakatu zen. Zoramen horrekin amaitzeko, eguzkiak bere buruaz beste egin zuen. Ilargiak hildakoen bidea seinalatzen du, hauei argia emanez. Bide horretatik, eguzkiaren arimak ilargiarekin elkartzea lortu zuen.
"Basauri" saria · Jone Galindez Verano (Basauri)
Askotan pentsatu nuen une hartan. Mandarin arbola gainezka zegoen, adarrak pisuarengandik beheraraziz, zorua kilikatzeraino. Mandarinak neguan hazten dira, baina ez negu guztietan. Hitz egiten ez genueneko negu hartan, inoiz baino laranjago zegoen gure arbola. Gure arteko lubakiak eztanda egiteko, arbolak granadak prest balitu bezala. Niri aldiz, mandarinak hartu eta zure aurpegira jaurtiz birrintzeko irudia zetorkidan burura, zure ekintzen patetikotasuna eta nire nazka irudikatuko lukeen koadro abangoardista. Baina ezingo nituzke denak hartu. Zu zinen zuhaitzean gora egiten zenuena, mandarina garratzenak niretzat hartzeko, ni ez bainintzen ausartzen. Leihotik lorategira begiratzeari utzi nion une hartan. Supermerkatura joan eta mandarina dozena bat erosi nuen. Ez zeuden batere onak, aita.
La organización tiene el propósito de organizar la décima edición a lo largo del curso 2027, dando continuidad al objetivo general, descubrir y promocionar nuevos jóvenes talentos en el ámbito de la escritura.
Para más información:
Ayuntamiento de Basauri – Oficina de Información Juvenil ZirtZart
Tel.: 944 666 430 / 634 984 615
Correo electrónico: zirtzart@basauri.eus
