UDABERRIK KONTZERTUAK 2026: 'OINATZAK' · ASABA DUO

ASABA DUO: MARINA MANTEROLA (txirula · flauta) & CAROLINA AGUDIN (gitarra)

• Four Macedonian Pieces · M. Tadic (2009)
• Two Japanese Folk Songs · T. Hosokawa (2003)
• Goyescas - Elisenda Fábregas (2008)
• Bambuleá · Johanny Navarro
• Siete Canciones populares espan~olas · M. de Falla (1914)
• Historia del tango · Astor Piazzolla (1986)

Egitarauari buruzko oharrak:

Hainbat kulturatako musika-tradizioak ohoratuz, Asaba Duo-k bere lehen programa sortu zuen: Oinatzak —euskaraz, “aztarna”—. Programak soinu-bidai bat proposatzen du, tangoatik Balkanetara, Falla-ren Zazpi Abestietatik tradizio japoniarrera, Navarroren Puerto Rico-ko musika bitarte, Piazzollaren tangoetaraino. Pieza bakoitzak eguneroko bizitzako eszenak irudikatzeko aukera ematen du: maitasuna, sehaska-kantuak, dantza folklorikoak… Musika bidezko narrazio honek publikoa kultura ezberdinetara hurbiltzen du, haiekin konektatzeko gonbita eginez.

Entzuleek bikote gazte honen teknika eta adierazkortasun musikal sendoa ez ezik, entzuleekin komunikatzeko duen modu hurbil eta naturala ere nabarmentzen dute. Kontzertu bakoitzean, Marina Manterola eta Carolina Agudínek giro atsegina sortzen dute, non musika giza konexiorako trena den. 2024ko urrian Arabako Arte Ederren Museoan egin zuten estreinaldiaren ostean, Asaba Duo 2025/2026 denboraldian Oinatzak programaren inguruko bira egiten ari da, Herbehereetan, Espainian eta Belgikan emanaldiak eskainiz. Espainiako Kultura Ministerioak eta Acción Cultural Españolak (AC/E) hautatu dute Asaba Duo 2025/26 denboraldirako MusaE proiektuan parte hartzeko, Espainiako Estatuko museo-sarean antolatzen diren kontzertu akustikoen zikloaren barruan. Interpreteen norbanako ibilbide nabarmenek oinarri artistiko sendoa eta nazioarteko esperientzia ematen diote Asaba Duo-ri. Carolina, Tomás Campos eta Pavel Steidl bezalako gitarristekin ikasi du, eta bakarlari gisa jardun du, besteak beste, Residencia de Estudiantes-en eta CentroCentro Cibeles-en (Madril). Bere soinu indartsua, adierazkortasuna eta presentzia sendoa bere interpretazioen ezaugarri nagusien artean daude. Marinak, berriz, Juliette Hurel eta Julie Moulin flautistekin ikasi du, eta Concertgebouw Chamber Orchestra-rekin nahiz Espainiako Orkestra Nazionalarekin kolaboratu du. Kritika espezializatuak bere interpretazioen heldutasuna eta maisutasun teknikoa nabarmendu ditu Scherzo aldizkarian. Asaba Duo arte-esploraziorako espazio partekatu gisa jaio zen, bikaintasunaren eta sentikortasunaren bitartez, kultura arteko elkarrizketa sortzeko asmoz.

Egitarau osoa HEMEN