Gazteentzako Informazio Bulegoa
ZIRT-ZART
Zirt-Zart Basauriko Udalaren Gazteria Atalaren programa da. Programa horren barruan zenbait zerbitzu daude.
Basozelai Gizarte Etxean:
- Gazteentzako Informazio Bulegoa (GIB),
- Gaztegunea eta
- Entsegu Aretoak.
San Migeleko Taberna Nagusian:
- Gaztegunea.
Jarraian, zerbitzu horien zeregin nagusiak laburbilduko ditugu:
1. Gazteentzako Informazio Bulegoa (GIB)
Basauriko 18 eta 35 urte bitarteko gazteen informazio, parte-hartze eta laguntza bulegoa da. Udalerriko gazteen interés, esparru eta lehentasunei buruzko informaziogune izan nahi du, informazio hori galdu ez dadin eta erabiltzaileei bilaketak egitea errazteko.
Alde batetik Gazteentzako informazio Bulegoa eskeintzen ditu hurrengo zerbitzuak:
Zirt-Zarteko materiala maileguan uzteko zerbitzua: aldizkari bildumak, bidaia-gidak...
Gazteen arteko eta gazteentzako topagune birtual eta irekia.
Erabilera publikoko ordenagailua, kontsultak egiteko.
Wi-Fi gunea.
Beste aldetik honako hauei buruzko etengabeko informazio eguneratua dago bertan:
Lanbideren lan-eskaintzak.
Lan-eskaintza publikoak.
Bekak.
Asteburuko agenda.
Basauriko eta ondoko herrietako kultur agendak.
Lehiaketak, txapelketak...
Etengabeko prestakuntza.
Prestakuntza arautua.
Etxebizitza (Bizigune, Etxebide...).
Turismoa (bidaia-gidak, bidaia-aldizkariak, turismoaren alorreko doako informazioa...).
Udalerrian egindako kanpainei edota gazteei zuzendutako kanpainei buruzko informazioa (udalekuak, auzolandegiak, gazteak eta kooperazioa...).
GAZTEENTZAKO INFORMAZIO BULEGOA (GIB)
Helbidea: Basozelai 11, 0. solairua. 48970 Basauri
Telefonoa: 94 466 64 30
E-maila: zirtzart@basauri.net
2. Basozelaiko Gaztegunea
Gaztegunea, nagusiki, Basauriko nerabeei eta 12 eta 35 urte arteko gazteei zuzendutako zerbitzua da. Zenbait helburu ditu: batetik, udalerriko gazteei aisialdia modu positibo, sortzaile eta autonomoan bizitzeko aukera eman nahi die, era arduratsuan, ekimena eta parte-hartzea bultzatuta eta ohitura osasungarriak baliatuta. Beste alde batetik, jarduera soziokulturalak prestatzen ditu: musika ekitaldiak, ekitaldi urbanoak, lehiaketak, ikastaroak, tailerrak, ikuskizunak…
Espazio fisikoari dagokionean, berriz, erabiltzaileek aukera dute lokala libreki erabiltzeko (indarreko araudia beteta, noski): ordenagailuak, mahai-jokoak, bideo-jokoak, billarra, ping-pong-a… Zerbitzuok erabili aurretik 2 €ko fidantza jarri beharko dute (itzuli egingo zaiena erabilitako materiala mailegatu zen bezala itzultzen bada). Gune honetara libreki sartzea dago, ezarritako baldintzak betetzen baldin badira. Honako hau izango da bertako ordutegia:
BASOZELAIKO GAZTEGUNEA
Helbidea: Basozelai 11, 6. solairua. 48970 Basauri
Telefonoa: 94 466 64 00
E-maila: gazte@basauri.net
3. San Migeleko Gaztegunea
12 eta 18 urte arteko nerabeei zuzendutako zerbitzua.
Instalazioak astelehenetik igandera erabil daitezke. Horrez gain, asteburuetarako jardueren egitaraua osatzen goaz gazte erabiltzaileen beharrizanen arabera.
Internetera konektatutako ordenagailuak, bideojokoak eta mahai-jokoak eskainiko dira eta, horrez gain, Gaztegunea batzeko, egoteko eta informazioa jasotzeko tokia ere izango da.
Basozelaiko Gaztegunean bezalaxe, hona ere libreki sartzea dago (ezarritako baldintzak betetzen baldin badira).
SAN MIGELEKO GAZTEGUNEA
Helbidea: Gernika, 60. 48970 Basauri
Harremanetarako: gaztesm@basauri.net.
4. Entsegu-aretoak
Basozelai Gizarte Etxeko entsegu-areto zerbitzuak entseguak egiteko bereziki egokitutako lokalak jarriko ditu Basauriko zein kanpoko musika-taldeen esku. Zerbitzuak honako ekipamendu hauek ditu:
Intsonorizatutako 3 areto, aire-berriztatze sistemarekin.
Bateria, ahots-ekipoak, mikrofono-oinak eta mikrofonoak, taldeen materialaren osagarri gisa.
Taldeen anplifikadoreak gordetzeko biltegia. Arau orokor gisa ez da musika-tresnen gordailua onartuko, ez bada horretarako bidezko arrazoiak daudela.
Erabilerari dagokionez, tokia aurretiaz erreserbatuko da, orduka, Basauriko Kultur Etxeko gobernu batzordeak urtero onetsiko duen prezioan. 2014rako prezioak honako hauek izango dira:
Gutxienekoa: 2 entsegu ordu ->5 €
Bonuak: 20 entsegu ordu-> 25 €
BASOZELAIKO ENTSEGU-ARETOAK
Helbidea: Basozelai 11, 6. solairua. 48970 Basauri
Telefonoa: 94 466 64 00
E-maila: gazte@basauri.net
SARE SOZIALAK ETA HARREMANETARAKO HELBIDEAK:
• www.facebook.com/basaurion
• www.instagram.com/zirtzartbasauri
• www.facebook.com/zirtzartbasauri
• #zirtzartbasauri
