Administrazio eredu % 100 elektronikoa ezartzea (Europar Batasunak finantzatua - Next Generation funtsak)

Irudia

   2021eko apirilaren 27ko Akordioaren bidez, Ministroen Kontseiluak Berreskuratze, Eraldaketa eta Erresilientzia Plana (BEEP) onartu zuen. Plan horrek inbertsioen eta egiturazko erreformen agenda garrantzitsua biltzen du. 
   BEEP Europako Batzordeak 2021eko ekainaren 16an onartu zuen, eta Europar Batasuneko Kontseiluak 2021eko uztailaren 13an. 
   BEEPari esker, Espainiak 2021-2026 urteen artean 140.000 milioi euro jaso ditu kreditu eta transferentziatan. Horri, Europako Lurraldeak eta Kohesioa Berreskuratzeko Laguntzari (REACT-EU) eta Urte Anitzeko Finantza Esparruan aurreikusitako tresnei esker, Europa mailan lehentasunezkoak diren esparruetan erreformak eta inbertsioak egitea sustatzen ari dira. Horretarako, aipatu plana lau ardatzen bueltan egituratu zen: trantsizio ekologikoa, eraldaketa digitala, gizartearen eta lurraldearen kohesioa eta genero berdintasuna. Lau ardatz horiek, halaber, hamar palanka politika eta 30 osagai dituzte. 
   Laugarren palanka politika XXI menderako administrazioa da. Palanka horrek administrazioa modernizatzea proposatzen du, herritarren eta ekonomiaren beharrei erantzuteko, lurralde osoan. 11. osagaiak,  politika hori erreforma eta inbertsioen bidez garatzeaz gain, helburu estrategikotzat hartzen ditu administrazio publikoak digitalizatzea eta modernizatzea, trantsizio energetikoa eta administrazioaren ahalmena indartzea. 
   11. osagaiaren hirugarren inbertsioa transformazio digitala hobetzera eta administrazio publikoak modernizatzera bideratu da, eta 1.000 milioi euroko finantzazioa izan du 2021-2023 aldian. Diru kantitate horretatik, 2021-2023 aldian, 578,6 milioi euro autonomia erkidegoetara bideratu dira; eta 391,4 milioi euro tokian tokiko erakundeetara. 
 

   Abenduaren 30eko 11/2020 Legeak, 2021erako Estatuaren Aurrekontu Orokorrei buruzkoak, «Lurralde Politika eta Funtzio Publikoko Ministerioa» 22. Sekzioko 920A programako «Berreskuratzeko eta Erresilientziarako Mekanismoa» 50 zerbitzuaren 761 aplikazioan, tokiko erakundeei kapital transferentziak egitea aurreikusten du, modernizatzeko, 92,77 milioi euroren truke. 
   Laguntza horien helburua da tokiko erakundeek beraien antolaketa propioa hobetzeko eta modernizatzeko gastuak egitea informaziorako eta komunikaziorako teknologiak txertatzeko, prozedura administratiboak digitalizatzeko eta beraien kudeaketa baliabide digitaletara egokitzeko. Agindu horren bidez finantzatu beharreko jardueren helburua da tokiko administrazioak digitalizatzea, funtzionamendua hobetzeko xedez.
Esparru horretan, Basauriko Udalak “ADMINISTRAZIO EREDU %100 ELEKTRONIKOA EZARTZEA” proiektua garatu du. Proiektu horrek bi jarduera ildo estrategiko ditu:

1.     Herritarrari zuzendutako administrazioa.
2.     Administrazio digitaleko oinarrizko zerbitzuen elkarreragingarritasuna.

    Proiektuak udalaren erronkari heltzen dio, eta kudeaketa eredu % 100 elektronikoa lortzea du xede, guztiz integratua, eta orain arte martxan egon diren irtenbide horizontalak (Administrazio Elektronikoa, Hirugarrenen Datu Basea, Lurraldeari buruzko Datu Baseak, Dokumentuen Datu Baseak, Elkarreragingarritasun sistemak) eta bestelako irtenbide bertikalak, negozio esparru jakin batentzat euskarri direnak (Giza Baliabideak, Kontabilitatea, Zergen Kudeaketa, Katastroa, Diru bilketa, Errolda, etab.).
    
    Honako arazo hauek identifikatu ziren:

•        Espediente elektronikoak izapidetzeko aplikazioak espediente orokorrak baino ez zituen izapidetzen (Eskariak, Dokumentuak Sinatzea eta Egoitzak Jakinaraztea).
•     Izapidetzen ziren espedienteak eta hiritarren karpeta ez zeuden integraturik. Sarbidea eta jakinarazpena baino ezin ziren kontsultatu.
•     Negozioen kudeaketarako aplikazioak ere ez zeuden integratuta (Diru laguntzak, Katastroaren kudeaketa eta Kontabilitatea).
•     Zergen Kudeaketako eta Diru Bilketako aplikazioak eta dekretuen eta jakinarazpenen kudeaketa modulua ere ez zeuden integratuta.
•     Jakinarazpenen kudeaketa ez zegoen % 100 automatizatuta eta ez zegoen Correosekin % 100 integratuta.
•     Egoitza elektronikoan jakinarazpenak jasotzeko aukerarik ez zegoen.
•     Erregistro Integratuen Sistemarekin (SIR) ere ez zegoen interkonexiorik.
•     Zergadunaren Bulego Birtualik ez zegoen, autolikidazioen autokontsumoa egiteko modurik edo bestelako zerga zerbitzurik eskaintzen zuenik (helbideratzeak, ordainagirien kopiak egitea, zatikatzeak, etab.). 
•     Elkarreragingarritasunerako nodoak eta espedienteen kudeaketarako sistema ez zeuden integratuta.
•     Herritarren Karpeta ez zegoen integratuta.
•     Helbide Elektroniko Gaitu bakarra (DEHu) ez zegoen integratuta.

    
    2007an LAECSP (Herritarrek zerbitzu publikoetarako sarbide elektronikoa izateari buruzko legea) indarrean jarri zenean, Basauriko udalak elektronikoki jarri zituen bere zerbitzu guztiak herritarren esku. Tresna bat garatu zen, udal zerbitzuen katalogoa txertatzea ahalbidetzen zuena; horrekin batera, galdetegiak sortzeko eta herritarrek beraien burua identifikatu eta sinatzeko sistemak ere ezarri ziren, eta nahikoa izan zen legea betetzeko.
    Ondoren, 39 eta 40/2015 legeak indarrean jarri zirenean, espedienteak kudeatzeko tresna oso oinarrizko bat jarri zen martxan, eta paper bidez egiten ziren eskabideak digitalizatu eta sinaduren karpeta elektroniko bat erabiliz dekretuak ebatzi ahal izan ziren.
    
    Hauek izan dira proiektuaren helburuak:
    
1.    Espedienteen kudeaketarako sistema guztiz elektronikoa ezartzea.
2.    Zergen kudeaketa, Diru bilketa eta Herritarren erroldarako sistemak merkatuan dauden azken bertsioetara migratzea.
3.    Egoitza elektronikoa berrantolatzea. Horretarako, zergadunaren bulego birtuala txertatzea eta autokontsumo zerbitzuak hedatzea.
4.    Espediente elektronikoen kudeaketarako sistema eta Bizkaiko – Eusko Jaurlaritzako elkarreragingarritasunerako nodoak (NISAE) integratzea.
5.    SIR martxan jartzea.
6.    Zergadunaren Bulego Birtuala, Herritarren Karpeta eta Helbide Elektroniko Gaitu bakarra (DEHu) integratzea.
7.    Sistema informatikoak eta elkarreragingarritasun sistemak lagatzaile gisa integratzea espedienteen kudeaketarako sisteman, eta dena automatizatuta egotea. 
8.    Errolda zerbitzuak eta Bizkaiko elkarreragingarritasun nodoa integratzea.