BOSTEKO 2026 (XXIX. edizioa): PLAZATIK EZIN DUT ITSASOA IKUSI

Gauzak ez ditugu beti ikusten, nahiz eta jakin hor daudela; batzuetan beste ikuspegi batetik begiratu behar dugu. «Plazatik ezin dut itsasoa ikusi» horretaz ari da, hain zuzen ere, askotan ikusle gisa ikusten lortzen ez duguna islatzeaz eta prozesuen balioaz hausnartzeaz. Pertsona askok sentitzen dugu balio hori, gure egunerokotasunaren parte diren ekintzek eta lanek behar duten garapenaren bidez, eta nola batzuetan ez den baloratzen edo ez den islatzen bere benetako dimentsioa. Erakusketa espazioetan bizi diren piezek, nolabait, gauzak gertatu eta eraikiarazten dituen une ezinbesteko, eta batzuetan ezkutukoa, omendu nahi dute. Ikusten ez dena baina hor dagoena pentsatzera gonbidatzen gaituzte, arrastoa uzten duten prozesu artistikoak irudikatzera. Izan ere, badakigu plazatik itsasoa ikusi ezin badugu ere, hor dagoela, bizirik eta orroka.

Erakusketa ibiltari honek Maider Gonzalo, Zuhar Iruretagoiena eta Maria Muriedas euskal artista garaikideen lana biltzen du. Argazkilaritza, bideoa, marrazketa eta eskultura baliatuz, erakusketak gorputza, keinuak eta egiteko moduak kokatzen ditu proposamenaren erdigunean. Lanek ekintzak, mugimenduak eta errepikapenak dituzte abiapuntu, materialekin eta espazioarekin harremanak izateko modu ezberdinak islatuz. Ikuspegi horretatik, proiektuak sorkuntza-prozesuek, hartutako erabakiek eta artisten keinuek artelanetan duten eragina aztertzen duen begirada proposatzen du.

Erakusketa Basaurin (Arizko Dorretxea), 2026ko urriaren 1etik 30era; Amorebieta-Etxanon (Zelaieta zentroa), 2026ko azaroaren 3tik 27ra; Getxon (Romo Kultur Etxea), 2026ko abenduaren 1etik 20ra; eta Leioan (Kuktur Leioa), 2027ko urtarrilaren 9tik 31ra ikusi ahal izango da. Udalerri bakoitzean zehar, bisita gidatuak egingo dira gaztelaniaz eta euskaraz. Gainera, Getxon, abenduaren 4an, komisarioek mahai-inguru batean parte hartuko dute hiru artistekin batera, proiektuaren, sorkuntza-prozesuen eta gorputzaren zein performatibitatearen inguruko elkarrizketa eta topagunea sortuz.

BISITA GIDATUAK*

Basauri                        2026ko urriak 23

*bisita gidatua euskaraz (18:00) eta gazteleraz (19:00).