2 udal etxebizitza besterentzea loteka, lehiaketa publikoaren bidez

Basauriko Udalaren Ebazpena, prozedura irekiaren bidez ondasun higiezinak saltzeko lehiaketa publikoa iragartzen duena

2025eko azaroaren 03ko 4725/2025 Alkatetzaren Dekretuaren bidez, honako hauek onartu dira: 2 udal-etxebizitza besterentzeko espedientea, balorazio-txosten teknikoak, lizitazio-tasa eta besterentzeko baldintza-agiria, lehiaketa publikoaren bidez, gutun-azal itxian eta prozedura irekian.

Lizitatzaileek baldintza-agirietan ezarritako eskaintza berdinak edo handiagoak aurkeztu behar dituzte, eta, proposamenak baloratzeko eta eskaintza onena zehazteko, ezarritako adjudikazio-irizpideak hartuko dira kontuan: eskainitako preziorik onena (% 90) eta etxebizitzarik jabetzan ez izatea, ezein ehunekotan, Basauriko udalerrian (% 10).

Prozedura hori Basauriko Udalaren jabetzako higiezinak kargarik, errentamendurik eta okupatzailerik gabe saltzeari dagokio. Hona hemen higiezin horiek:

1. Lotea (hirugarren enkantea)

Hiri-finka: Irati Ibaia 1, behea ezkerra.

• Erregistroko datuak: Basauriko 18215 zenbakiko finka.
• Katastroko datuak: U0048359F etxebizitzaren zenbaki finkoa. Katastro-azalera 48,34 m2.
  • Eraikinaren Ikuskapen Teknikoa: 2018ko ekainaren 4a.
  • Kalifikazio energetikoa: G.
  • Lizitazioaren gutxieneko prezioa (zergak kanpo): 67.687,5 euro.
  • Behin-behineko fidantza: 2.030,63 euro.

2. Lotea (bigarren enkantea)

Hiri-finka: Teileria 6, behea ezkerra.

• Erregistroko datuak: Basauriko 17895 zenbakiko finka.
• Katastroko datuak: U0050007G etxebizitzaren zenbaki finkoa. Katastroko azalera 62,21 m2.
  • Eraikinaren Ikuskapen Teknikoa: 2018ko ekainaren 19a (4. eta 5. mailak).
  • Kalifikazio energetikoa: E.
  • Lizitazioaren gutxieneko prezioa (zergak kanpo): 90.250 euro.
  • Behin-behineko fidantza: 2.707,5 euro.

Interesdunek idatzizko eskaintzak egin ahal izango dituzte gutun-azal itxian, hogeita hamar egun naturaleko epean, Bizkaiko Aldizkari Ofizialean eta Euskadiko Kontratazio Publikoaren Plataforman argitaratu eta hurrengo egunetik aurrera. Epea lizitazio-iragarkian adierazitako eguneko 14:00etan amaituko da. Hala ere, epe horren azken eguna larunbata edo jaieguna bada, hurrengo egun balioduneko ordu berera atzeratuko da.

Proposamenak elektronikoki aurkeztuko dira Kontratatzailearen profilaren bidez pertsona juridikoentzat, eta erregistro orokorrean aurkeztu ahal izango dira, pertsona fisikoei edo Administrazioarekin harreman elektronikoa izatera behartuta ez daudenei dagokienez, eskura edo posta ziurtatuaren bidez.

Eskura aurkeztuz gero, 09:00etatik 14:00etara izango da, Basauriko Udaleko Herritarrentzako Arreta Zerbitzuan (Kareaga Goikoa, 52), eta bertan emango zaio aurkezpen-egunaren eta -orduaren egiaztagiria.

Dokumentazioa urriaren 1eko 39/2015 Legean aurreikusitako beste erregistro batean aurkezten bada, edo posta ziurtatu bidez bidaltzen bada, posta-bulegoan bidalketaren ezarpen-data justifikatu beharko da, eta kontratazio-organoari egun berean jakinarazi beharko zaio eskaintza bidali dela, posta elektroniko bidez (bienes@basauri.eus).

Finkak bisitatu nahi dituztenek Ondare Sailarekin jarri beharko dute harremanetan, 944 666 320 telefonoan, bienes@basauri.eus helbide elektronikoan edo Ondasun eta Ondare Sailak Basauriko udaletxean dituen bulegoetan (Kareaga Goikoa, 52). Era berean, sail horretan kontsulta daiteke espedientean dagoen dokumentazioa.