Basauriko Sarratuko I. Eremuko Birpartzelazio Proiektuaren behin betiko Likidazioaren Kontuaren hasierako onarpena
Jendaurrean jartzea irailaren 5era arte.
Basauriko Sarratuko I. Eremuko Birpartzelazio Proiektuaren behin betiko Likidazioaren Kontuaren hasierako onarpena (lehen SR-6 Sarratu Area).
Basauriko Alkateak, 2024ko uztailaren 22an, 2953/2024 Dekretua eman du, Sarratuko I. Area Birpartzelatzeko Proiektuaren (lehen SR-6 Sarratu Area) behin betiko likidazioaren kontuaren hasierako onespenari dagokionez. Honako hau xedatzen du:
LEHENENGOA. Hasierako onarpena ematea Basauriko Sarratu I. Eremuko Birpartzelazio Proiektuari dagokion Behin Betiko Likidazio Kontuari (lehen SR-6 Sarratu Area).
BIGARRENA. Aurreko puntuan aipatutako dokumentua jendaurrean jarriko da hilabeteko epean, Bizkaiko Aldizkari Ofizialean eta egunkari batean argitaratuta, eta interesdunen eskura egongo da Udal honen egoitza elektronikoan [https://www.basauri.eus helbidea].
Jendaurreko informazioaldian, espedientea aztertu nahi duen edozeinen esku geratuko da, egoki iritzitako alegazioak eta iradokizunak aurkez daitezen.
HIRUGARRENA. Ebazpen hau eremuaren jabe guztiei jakinaraztea, egoki iritzitako alegazioak aurkez ditzaten.
