Dirulaguntza emateko arau erregulatzaileak hasierako onarpena, 2026ko Venezuelan izandako lurrikarek eragindako pertsonei larrialdi-laguntza emateko
Alegazioak aurkezteko epea: abuztuaren 13tik irailaren 2ra.
Udalak, 2026ko uztailaren 29ko osoko bilkuran, erabaki hau hartu zuen, besteak beste:
Lehenengoa: «Venezuelan gertatutako lurrikarek kaltetutako pertsonei larrialdiko laguntza emateko irabazi asmorik gabeko elkarteei zuzeneko dirulaguntza emateko oinarri arautzaile bereziak» hasieran onartzea, Eranskin gisa agertzen den testuaren arabera. Testu hori erabaki honen zati banaezina da.
Bigarrena: Erabaki hau jendaurrean jartzea eta interesdunei entzunaldia ematea hamabost eguneko epean, dagokion iragarkia Udalaren webean eta Bizkaiko Aldizkari Ofizialean txertatuz, interesdunek aztertu ahal izan dezaten eta egokitzat jotzen dituzten alegazioak, erreklamazioak edo iradokizunak aurkeztu ahal izan ditzaten, Bizkaiko Lurralde Historikoko Toki Erakundeen Aurrekontuei buruzko abenduaren 2ko 10/2003 Foru Arauaren 15. artikulua.
Hirugarrena: Epe horretan erreklamaziorik aurkeztu ez bada, erabakia behin betiko onartutzat joko da. Bestela, Udalbatzak epe barruan aurkeztutako erreklamazioak eta iradokizunak ebatziko ditu, eta behin betiko onartuko ditu. Behin betiko erabakia Bizkaiko Aldizkari Ofizialean argitaratuko da, Bizkaiko Lurralde Historikoko Toki Erakundeen Aurrekontuei buruzko abenduaren 2ko 10/2003 Foru Arauaren 15. artikulua.
