Haurrei zuzendutako Txotxongiloak sortzeko tailer berrian izena emateko epea irekia
Zure eskuek istorioak sortzen dituzte
Izena emateko epea urriaren 6tik 21era egongo da zabalik
Tailerra astelehenetan egingo dute, 18:00etatik 19:30etara, Taberna Nagusian (San Migel), urriaren 26tik azaroaren 30era, guztira 6 saio
6 eta 10 urte bitarteko neska-mutikoei zuzendutako sormen eta eskulan ikastaro praktikoa da. Tailer honen helburua haurrak txotxongiloen munduan murgiltzea da, "Erreka Mari" txotxongilo antzezlana ardatz hartuta.
Saioetan zehar parte-hartzaileek euren hagaxka-txotxongiloak hutsetik eraikitzen ikasiko dute. Istorioko pertsonaiak (Erreka Mari lamia, Martin artzaina eta herritarrak) berpiztuko dituzte hainbat material erabiliz: egurrezko makilak, kortxozko bolak, oihalak, artilea,... Gainera, jasangarritasuna sustatzeko, beren etxeetan aurki ditzaketen material berrerabilgarriak erabiliko dituzte sormen prozesuan.
Tailerraren metodologia aktiboa, ludikoa eta parte-hartzailea izango da, 6 urtetik gorako neska-mutikoen gaitasunetara guztiz egokitua. Dinamizatzailea gidari gisa arituko da, umeak euren sormen-prozesuaren protagonista nagusiak izan daitezen utziz.
Tailerraren helburu nagusiak honako hauek dira:
Sormenaren garapena
Irudimenaren sustapena
Psikomotrizitate finaren estimulazioa
Hagaxka-txotxongiloen oinarrizko ikaskuntza teknikoa
Eskulanetatik harago, tailerrak balioetan oinarritutako hezkuntza bultzatzen du. Erreka Mariren istorioaren bidez, umeek bi mezua nagusi bereganatuko dituzte:
ingurumenaren zaintza (gure ibaiak garbi mantentzearen garrantzia) eta
aniztasunari errespetua (jazarpenaren aurkako jarrera). Azken saioan, haurrek talde-lana sustatuko dute, euren txotxongiloekin antzezlan labur bat sortuz.
Erreka Mari ikuskizuna
Ikastaroa hasi baino lehen, urriaren 19an, astelehena, arratsaldeko 18:00etan, Erreka Mari txotxongilo ikuskizuna eskainiko da euskaraz. Emanaldia doakoa eta irekia izango da, aretoa bete arte.
Plaza-kopurua mugatua da, eta, eskaera-kopuruak eskaintza gainditzen badu, zozketa egingo dugu.
Informazio gehiago eta izen-ematea
