Etorkinentzako eskuko hiztegia

Bizkaiko hainbat udalerri elkarlanean eta Alkarbidek koordinaturik, eskuko hiztegi txiki bat atera dugu bederatzi hizkuntzatan, Basaurira etorritakoen integrazioa errazteko. Hauek dira hiztegian sartu ditugun hizkuntzak: euskara, gaztelania, ingelesa, frantsesa, portugesa, arabiera, txinatarra, errumaniera eta wolofa.

Euskarak inor ez du arrotz eta hemen denok gara etorkin: batzuk duela hamar mende heldu ginen, beste batzuk orain dela bi aste; eta beste asko, berriz, bidean gatoz. Ondo etorri denok!

Hiztegiak herriko hainbat lekutan daude eskuragarri: ikastetxeetan, kultur etxeetan, etorkinen elkarteetan eta herritarren arretarako udal bulegoetan.

Informazio gehiago behar izatekotan, harremanetan jarri Euskara Zerbitzuarekin (Bidearte kalea, 10. Tel. 94 466 6312. euskara@basauri.eus).