Eusko Jaurlaritzak babestutako eta Euskadiko Autoeskolen Federazioak koordinatu, kudeatu eta zuzendutako egitasmoa.
Gazteak erakartzeko asmoz, gidabaimenaren azterketa teorikoa euskaraz gainditu dutenen artean sariak eta diru laguntzak eskaintzen dira.
Basaurin erroldatutako 17-23 urte bitarteko gazteei, azterketa teorikoa euskaraz egiteagatik, matrikularen kostua itzuliko die Basauriko Udalak (gehienez 300 €). Horrez gain, 100 €ko erregai-txartelak ere zozkatuko dira.
Gidabaimena euskaraz ekimena 2010etik ari da garatzen Bizkaiko hainbat udalerritan, besteak beste, Basauriko, Erandioko eta Getxoko udaletan. Hala, udal hauek euskarazko materialez hornitu dituzte autoeskolak, kanpainak zabaldu, informazio-hitzaldiak antolatu, sariak eman eta gazteei dirulaguntzak eskaini dizkiete.
Informazio gehiago: Basauriko Udaleko euskara zerbitzuan (944666312, euskara@basauri.eus) eta autoeskoletan (A8 autoeskola, Irrintzi autoeskola eta Mikel autoeskola).
