Administrazio Elektronikoa arautzen duen Ordenantzaren Proiektuari buruzko aurretiazko contsulta publikoa.
Epea 2021eko abenduaren 10etik 2022ko urtarrilaren 11ra.
39/2015 Legearen (39/2015 Legea, urriaren 1ekoa, Administrazio Publikoen Administrazio Prozedura Erkidearena) VI. tituluan “legegintza-ekimena” eta “erregelamenduak eta bestelako xedapenak emateko ahala” arautzen dira. 133. artikuluan xedatutakoaren arabera, ordenantzaren proiektua prestatu baino lehen, kontsulta publiko bat bideratuko da, eta jasoko da zer iritzi duten etorkizuneko arauak uki ditzakeen subjektuek eta antolakunderik ordezkagarrienek.
ORDENANTZAN ARAUTU BEHARREKO ALDERDIAK
Herritarraren ikuspuntutik begiratuta, zenbait eskubide aitortu nahi dira, eta horietatik garrantzitsuena Administrazioarekin harremanetan jartzeko bidea aukeratzeko eskubidea da. Bide hori elektronikoa izan beharko da nahitaez, pertsona juridikoen eta pertsona fisiko jakin batzuen kasuan.
Administrazioaren ikuspuntutik begiratuta, lehenik eta behin, prozedura gauzatzeko mekanismoak ezarri behar ditu, eta erabat elektronikoa izan behar du; erregistro elektronikoa eta bakarra; eta jatorrizko dokumentu elektronikoen sarrerako erregistroa; espedientea bitarteko elektronikoen bidez bultzatu behar da, dokumentuak elektronikoki sinatu behar dira; artxiboak ere bakarra izan behar du, eta bitarteko elektronikoen bidez biltegiratu behar da, modu seguru eta konfidentzialean.
Identifikazio eta sinadura elektronikoa arautu behar dira, bai zerbitzu elektronikoen kanpoko erabiltzaile diren herritar eta enpresei dagokienez, bai enplegatu publikoei dagokienez, baita administrazioa modu automatizatuan eguneratzeko beste ziurtagiri batzuk ere.
Administrazioa sinplifikatzeak, funtsean erantzukizunpeko adierazpen bat aurkezteko aukera izatea esan nahi du, eta administrazio publikoetan sortzen den dokumenturik aurkeztu behar ez izateko eskubidea izatea.
Tokiko eremuko egoitza elektronikoa ere arautu behar da, hura sortzeko prozedura, ezaugarriak eta gutxieneko edukia garatu, eta egoitzaren segurtasunari eta erantzukizunari buruzko alderdiak ere arautu behar dira.
Administrazio elektronikoa, erakundearen gardentasuna eta kalitate demokratikoa hobetzeko tresna.
Udalak hainbat erregistro elektroniko sortu behar ditu, publikoak izan behar duten xedapenen bitartez. Toki-erakundearen eta haren organismoen erregistro elektroniko orokorraren funtzionamendua arautu behar du, baita bulegoek herritarrei laguntzeko duten eginkizuna ere.
Zure iritzia emateko, klik egin hemen...
Basauri, 2021ko, abenduaren 9a.
